Adele Reynders Afrikaanse eboeke............. skrywer / kunstenaar

Follow us on twitter Adele Reynders se boeke is as eboeke verwerk vir Amazon deur Boekemakranka 

Verdwaalpad na die liefde - Adele Reynders speel in die Klasserie langs die wildtuin af. Marius wil weer vrou vat na dertien jaar. Zelda wil vir Marius vang en Frankie vlug halsoorkop weg van 'n Italiaanse dwelmhandelaar.

Vuur van Verlange- is Adele Reynders se eerste regte spookstorie. Daleen Gerber haat prokureurs en Engelse, nadat sy 'n dagboek wat uit die Boereoorlog dateer ontdek het. Thomas Smith is beide en hy het boonop verswyg dat dit op Van Zylsrus spook. (Of weet hy dit regtig nie?) 

Adele Reynders se boek: Totdat die vet vrou sing... 'n Alternatiewe Operagids is loutere ontspanningsleesstof en baie komies. (Nogal stouterig!) Dis nie regtig 'n operagids nie alhoewel daar deurentyd skuins na die operas verwys word. Dit is ook as 'n eboek vir kindle verwerk deur Trisa Hugo - Boekemakranka en te kry vanaf Amazon.  

Adele Reynders se Romanza boeke Volmaan, As jy maar weet en Twaalfuurman het 'n besondere interessante en sos buitengewone storielyn. Daar is ook aksie en drama in al rie die boeke en natuurlik uiteindelik seevier die liefde tussen die held en heldin. Sy skryf graag 'n ligte spanningslyn en hou daarvan om dit in Mpumalanga (Laeveld), langs die Krugerwilduin te laat ontplooi. En in Volmaan stap die held en heldin oor die Lebombos tot in Mosambiek, waar hulle met mensvreterleeus te doen kry. In Twaalfuurman is daar 'n moordenaar in Hazyview losgelaat. Soos Henk ... 'n man van vele talente wat in Marlothpark gebeur. En op die Sewende dag speel af net Suid van die Krugerwildtuin.

Die bosagtergrond is waarskynlik die rede hoekom soveel manne ook hulle tande in die boeke inslaan. Selfs sover as New Zealand en Australie.

Neptunus is Adele Reynders se eerste Amazon Bibi boek en dis ook die boek (naas Totdat die vet vrou sing) wat lesers wat van 'n humoristiese liefdesverhale hou, die meeste geniet het. Die boek se verhaal ontplooi in St Lucia, Zoeloeland, waar Janneke saam met Gerhard en sy span op 'n skiboot uitvaar diepsee toe ... om te gaan visvang!

Die slag van Bateleur ... nog 'n spookstorie (met 'n komiese inslag) liefdesverhaal speel weereens in Marlothpark en die wildtuin af.  

Karakters in Adele Reynders se boeke is effens ouer as wat in die Romanza genre gevra word. Hulle het al die lewe gesien en beleef. Sommige van hulle het kinders. Party was ryk en het verloor. Maar nie een wat geboelie is, bly sit in sak en as nie. In elke boek is daar humor, wat jou positief oor die lewe sal maak en hopelik sal laat uitsien na die volgende bladsy, hoofstuk ... boek. 

Die volgende drie Romanzas wat deur Lapa uitgegee is, is tans by Kalahari beskikbaar as eboeke. Volmaan en As jy maar weet begin albei in Marlothpark en Twaalfuurman gebeur in die Hazyview / Bosbokrand omgewing van Mpumalanga. Al drie boeke het 'n ligte spannings ondertoon.

Adele Reynders se liefdesverhale deur Lapa gepubliseer is ongelukkig uit druk. Daar is egter al van die boeke as eboeke by Amazon beskikbaar. Op die sewende dag is nou Sewende dag en Man van vele talente word Henk ... 'n man van vele talente. Reenboogforel is 'n Amazon eboek en die naam is Dag van die Reenboogforel. Vir mense met kindles wat die boeke by die Lapa Romanza klub misgeloop het, kan die boeke nou by Amazon koop teen 'n baie billike prys. Die volgende Lapa hardebandboek wat gemerk is vir oorskryf en publikasie op Amazon is Vrou in die Roosbedding en daarna sal Romein van Timbavati volg. Romein van Timbavati le Adele besonder na aan die hart, aangesien dit haar eerste boek is wat deur Lapa gepubliseer is 2007.

Adele skryf: Ek sal Lapa uitgewers altyd dankbaar wees vir die voorreg om deel van hulle span te wees. Veral die drie publikasies onder die Romanza vlag het vir my baie beteken. Kritiek op manuskripte was nooit negatief nie, altyd opbouend en 'n leerkurwe, waarsonder ek nie 'n volgende boek sou aanpak nie. My kollegas en 'base' by Lapa Romanza, sal altyd vriende bly. En my raad aan enige voornemende skrywer is om eers die pad saam met 'n uitgewer soos Lapa of NB te stap, voordat jy die e boek mark self aandurf. Jy leer op die manier jou Romanza en liefdesvehaal lesers ken en kom agter watter stories hulle graag lees en geniet. Vir mense wat neersien op Romanza's wil ek net se - dis 'n kuns in eie reg om 'n goeie liefdes romanse te skryf. Keuring is streng en selfs die manuskripte van gevestigde skrywers word soms afgekeur of teruggestuur om by te werk. Skrywers doen ook navorsing n maak seker van hulle feite voordat die manuskrip aan keurders voorgele word. By Lapa is taal en manuskrip versorging van uiterste belang. Die enduitgewers beskik ook oor besondere wye algemene kennis en feite word nagesien. Om 'n boek te skryf verg nie net 'n idee talent en 'n laptop nie. Jy skryf, herskryf en skaaf meer as een keer aan elke manuskrip, voordat dit 'n boek of eboek word. Die skrywers stel 'n baie hoe standaard aan hulle eie werke voordat dit ingestuur word. En dan word dit op die volgende vlak gekeur ... of afgekeur. As jy dus volgende keer 'n Romanzaboek van Lapa optel, weet dat daar heelwat sweet en liefde in elke boek ingaan en respekteer dit daarvolgens. Viva Lapa Uitgewers - en dankie vir alles - Adele Reynders X

Lesers wat kommentaar wil lewer, skryf asb aan adelereynders@gmail.com